Համաձայն անշարժ գույքի նկատմամբ սեփականության իրավունքի վկայականի՝ թիվ 2120955, տրված 27.08.2007թ., Դիլիջան քաղաքի Սայաթ-Նովայի փողոցի թիվ 131 հասցեի բնակելի տունը և 2080.0քմ տնամերձ հողամասը պատկանում է քաղ. Վահան Մամիկոնի Մակարյանին: Վերջինս դիմել է Դիլիջանի համայնքի ղեկավարին` նշված հողամասում առկա բնակելի տան ինքնակամ կցակառույցը օրինականացնելու խնդրանքով:
    Դիլիջանի համայնքապետարանի քաղաքաշինության և հողօգտագործման հարցերի հանձնաժղովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան քաղաքի Սայաթ-Նովայի փողոցի թիվ 131 հասցեի տնամերձ հողամասում առկա բնակելի տան ինքնակամ կցակառույցի ընդհանուր արտաքին մակերեսը կազմում է 530.12քմ /կցվում է հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների: Վերջինիս օրինականացման համար օրենքով նախատեսված վճարի չափը կազմում է  689156 /վեց հարյուր ութսունինը հազար հարյուր հիսունվեց/ դրամ:
    Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 48-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
 

1. Քաղ. Վահան Մամիկոնի Մակարյանի (ծնված 29.08.1949թ.) կողմից Դիլիջան քաղաքի Սայաթ-Նովայի փողոցի թիվ 131 հասցեի՝ իր սեփականությունը հանդիսացող հողամասում առկա բնակելի տան ինքնակամ կցակառույցը՝ 530.12քմ ընդհանուր արտաքին մակերեսով, ճանաչել օրինական:
2. Պարտավորեցնել քաղ. Վահան Մակարյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված բնակելի տան օրինականացման դիմաց գանձվող օրենքով սահմանված վճարը, այն է՝ 689156 /վեց հարյուր ութսունինը հազար հարյուր հիսունվեց/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: