Դիլիջանի համայնքի ղեկավարին է դիմել քաղ. Ալվարդ Ստեփանյանը` Դիլիջան համայնքի և իր միջև 2010թ. մայիսի 3-ին կնքված հողամասի կառուցապատման իրավունքի տրամադրման պայմանագրում նշված, Հաղարծին գյուղի 1-ին փողոցի թիվ 106/2 հասցեի 20.0քմ հողամասի կառուցապատման իրավունքի ժամկետը երկարաձգելու խնդրանքով:
Համայնքապետարանի քաղաքաշինության և հողօգտագործման հարցերի հանձնաժողովը առաջարկություն է ներկայացրել համայնքի ղեկավարին վերոգրյալ հողամասի կառուցապատման իրավունքի պայմանագրի ժամկետը երկարաձգել մինչև 2030 թվականի դեկտեմբերի 31-ը:
Հաշվի առնելով վերոգրյալը, 2010թ. մայիսի 3-ին կնքված հողամասի կառուցապատման իրավունքի տրամադրման մասին պայմանագրի 9.1 կետի դրույթները և ղեկավարվելով Հայաստանի Հանրապետության Քաղաքացիական օրենսգրքի 466 հոդվածի 1-ին մասի և 468 հոդվածի 1-ին մասի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 22-րդ կետի պահանջներով`
 

1. Դիլիջանի համայնքի և քաղ. Ալվարդ Ստեփանյանի միջև 2010թ. մայիսի 3-ին կնքված հողամասի կառուցապատման իրավունքի տրամադրման մասին պայմանագրում կատարել փոփոխություն, մասնավորապես` կառուցապատման իրավունքի ժամկետը երկարաձգել մինչև 2030 թվականի դեկտեմբերի 31-ը: Սույն փոփոխությունն իրականացնել Հայաստանի  Հանրապետության  օրենսդրությամբ սահմանված  կարգով:
2. Սույն որոշումն ուժի մեջ է մտնում ստորագրման պահից: