Համաձայն անշարժ գույքի նկատմամբ սեփականության իրավունքի թիվ 18032020-11-0051 վկայականի՝ Դիլիջան քաղաքի Օրջոնիկիձեի փողոցի 4-րդ նրբ. թիվ 36/2 հասցեի 1542.17քմ բնակելի կառուցապատման հողամասը պատկանում է քաղ. Արտաշես Վալերիի Մովսեսյանին: Վերջինս դիմել է Դիլիջանի համայնքի ղեկավարին` նշված հողամասում առկա ինքնակամ կառուցված շենք-շինություններն օրինականացնելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժղովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան քաղաքի Օրջոնիկիձեի փողոցի 4-րդ նրբ. թիվ 36/2 հասցեի հողամասում առկա են բնակելի նշանակության շենք-շինություններ, որոնց ընդհանուր արտաքին մակերեսը կազմում է 1623.79քմ /կցվում է հատակագիծը/: Հանձնաժողովը նշում է, որ նշված ինքնակամ շինությունները համապատասխանում են Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չեն խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված են քաղաքաշինական նորմերի ու կանոնների առանց էական խախտումների: Վերջինիս օրինականացման համար օրենքով նախատեսված վճարի չափը կազմում է  2110927 /երկու միլիոն հարյուր տաս հազար ինը հարյուր քսանյոթ/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 48-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`

1. Քաղ. Արտաշես Վալերիի Մովսեսյանի (ծնված 10.10.1979թ.) կողմից Դիլիջան քաղաքի Օրջոնիկիձեի փողոցի 4-րդ նրբ. թիվ 36/2 հասցեի՝ իր սեփականությունը հանդիսացող հողամասում ինքնակամ կառուցված 1623.79քմ ընդհանուր արտաքին մակերեսով բնակելի նշանակության շենք-շինությունները ճանաչել օրինական:
2. Պարտավորեցնել քաղ. Արտաշես Մովսեսյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված բնակելի նշանակության շենք-շինությունների օրինականացման դիմաց գանձվող օրենքով սահմանված վճարը, այն է՝ 2110927 /երկու միլիոն հարյուր տաս հազար ինը հարյուր քսանյոթ/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2019թ. նոյեմբերի 18-ի թիվ 159-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: