Դիլիջան համայնքի ղեկավարի 2019թ. հունվարի 9-ի թիվ 7-Ա որոշմամբ 2019թ. փետրվարի 11-ին աճուրդի էր ներկայացվել Դիլիջան համայնքի սեփականությունը հանդիսացող Բնակավայրերի հողերից 200.0քմ հողամաս /Լոտ-46(ՔՀ-18)/, Դիլիջան քաղաք, Թբիլիսյան խճուղի թիվ 65/3 հասցեում հասարակական նշանակության օբյեկտի կառուցման նպատակով, 500000 դրամ մեկնարկային գնով:

Կայացած աճուրդում 600000 դրամ առավելագույն գնով հաղթեց ՀՀ Տավուշի մարզ, Դիլիջան քաղաքի 26 Կոմիսարների փողոց թիվ 25 տան բնակիչ Սամվել Սահակյանը, որի մասին հողամասերն աճուրդային կարգով օտարող հանձնաժողովի կողմից կազմվեց թիվ 4 արձանագրությունը:

 Նշված հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում:

 Հիմք ընդունելով Հայաստանի Հանրապետության Հողային օրենսգրքի 67-րդ հոդվածի 1-ին մասի, 68-րդ հոդվածի 1-ին մասի պահանջները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1. Հաստատել Դիլիջան համայնքի հողամասերն աճուրդային կարգով օտարող հանձնաժողովի թիվ 4 արձանագրությունը և Դիլիջան համայնքի սեփականությունը հանդիսացող Բնակավայրերի հողերից Դիլիջան քաղաքի Թբիլիսյան խճուղի թիվ 65/3 հասցեի 200.0քմ մակերեսով հողամասը հասարակական նշանակության օբյեկտի կառուցման նպատակով օտարել ՀՀ Տավուշի մարզ, Դիլիջան քաղաքի 26 Կոմիսարների փողոց թիվ 25 տան բնակիչ Սամվել Սահակյանին:

2. Կնքել հողի առուվաճառքի պայմանագիրը, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:

3. Պարտավորեցնել քաղ. Սամվել Սահակյանին.

1) Դիլիջանի համայնքապետարանի 900405051104 հաշվարկային հաշվին մուծել աճուրդի սակարկությունների արդյունքում ձևավորված առավելագույն գինը, այն է` 600000/վեց հարյուր հազար/ դրամ, ընդ որում աճուրդի անցկացման օրը մուծված 25000 /քսանհինգ հազար/ դրամ նախավճարը ներառվում է հողի օտարման գնի մեջ, վերջիններիս մուծման անդորրագրերը սույն որոշման անբաժանելի մասն են:

2) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:

4.Սույն որոշումն ուժի մեջ է մտնում ստորագրման պահից: