Դիլիջանի համայնքի ղեկավարին է դիմել քաղ. Գարիկ Լյուդվիկի Թադևոսյանը` իր կողմից տիրապետվող Դիլիջան քաղաքի Գետափնյա 78 հասցեի բնակելի շենքին կից կառուցված բնակելի տան և վերջինիս սպասարկման հողամասի իրավական կարգավիճակի որոշման խնդրանքով:
Համայնքապետարանի քաղաքաշինության և հողօգտագործման հարցերի հանձնաժողովը նշում է, որ Դիլիջան քաղաքի Գետափնյա 78 հասցեի բնակելի շենքին հարակից տարածքում բնակելի տունը կառուցվել է դեռևս 1990-ական թվականներին, /կցվում է հողամասի գլխավոր հատակագիծը/: Նշված բնակելի տան շինարարության թույլտվության, ինչպես նաև զբաղեցրած հողամասի հատկացման փաստաթղթղային հիմքերը պահպանված չեն, առկա է միայն քաղվածք Դիլիջանի քաղխորհրդի գործկոմի 1992թ.-ի դեկտեմբերի 30-ի նիստի թիվ 14 արձանագրությունից: Հանձնաժողովը նշում է, որ բնակելի տան տվյալները չեն հակասում քաղաքաշինական նորմերին, զբաղեցրած հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի առաջացնում սերվիտուտ: Բնակելի տունը փաստացի զբաղեցնում է 114.0քմ հողամաս, որի նկատմամբ քաղ. Գարիկ Թադևոսյանը ձեռք է բերում սեփականության իրավունք Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով /կցվում է հողամասի գլխավոր հատակագիծը/:
Ելնելով  վերոգրյալից  և  ղեկավարվելով Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 2008թ. նոյեմբերի 13-ի թիվ 1328-Ն որոշման, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 48-րդ կետի պահանջներով`
 

1. Դիլիջան քաղաքի Գետափնյա փողոցի թիվ 78 շենքի հարակից տարածքում կառուցված բնակելի տան և 114.0քմ հողամասի նկատմամբ ճանաչել  քաղ. Գարիկ Լյուդվիկի Թադևոսյանի (ծնված 28.02.1961թ.) սեփականության իրավունքը:
2. Վերը նշված բնակելի տանը և 114.0քմ հողամասին տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Գետափնյա փողոց, թիվ 78/7:
3. Պարտավորեցնել քաղ. Գարիկ Թադևոսյանին .
1) Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ` նշված անշարժ գույքի նկատմամբ  սեփականության  իրավունքը  պետականորեն  գրանցելու  նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշմաի համաձայն՝ կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: