Համաձայն անշարժ գույքի նկատմամբ սեփականության իրավունքի թիվ 18092015-11-0020 վկայականի՝ Դիլիջան քաղաքի Գայի փողոցի թիվ 41 հասցեի 67.5քմ հասարակական կառուցապատման հողամասը պատկանում է քաղ. Աշոտ Ռուդիկի Ալիխանյանին: Վերջինս դիմել է Դիլիջանի համայնքի ղեկավարին, հայտնելով, որ ստացել է 2016թ.-ի հունիսի 21-ի թիվ 16/Թ-24 շինարարության թույլտվությունը, որի չափերը շեղել է /կառուցել է բնակելի տուն/ և խնդրել օրենքով սահմանված կարգով այն օրինականացնել:
Դիլիջանի համայնքապետարանի քաղաքաշինության և հողօգտագործման հարցերի հանձնաժղովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան քաղաքի Գայի փողոցի թիվ 41 հասցեի հասարակական կառուցապատման հողամասում առկա ինքնակամ կառուցված բնակելի տան ընդհանուր արտաքին մակերեսը կազմում է 214.81քմ /կցվում է հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների: Վերջիններիս օրինականացման համար օրենքով նախատեսված վճարի չափը կազմում է 279253 /երկու հարյուր յոթանասունինը հազար երկու հարյուր հիսուներեք/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Քաղ. Աշոտ Ռուդիկի Ալիխանյանի (ծնված 05.12.1981թ.) կողմից Դիլիջան քաղաքի Գայի փողոցի թիվ 41 հասցեի՝ իր սեփականությունը հանդիսացող հողամասում ինքնակամ կառուցված բնակելի տունը՝ 214.81քմ ընդհանուր արտաքին մակերեսով, ճանաչել օրինական և վերոհիշյալ հողամասի գործառնական նշանակությունը համարել փոխված, մասնավորապես՝ հասարակականից բնակելի կառուցապատման:
2. Պարտավորեցնել քաղ. Աշոտ Ալիխանյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված բնակելի տան օրինականացման դիմաց գանձվող օրենքով սահմանված վճարը, այն է՝ 279253 /երկու հարյուր յոթանասունինը հազար երկու հարյուր հիսուներեք/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2019թ. նոյեմբերի 18-ի թիվ 159-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: